تتعلم في هذا الدرس تطبيق آخر على مقام البيات و ذلك من خلال أغنية أنا بعشقك لمطربة الجيل ميادة الحناوي.
ريبال خضري:
"من الأغاني الجدّاً جميله على مقام البيات اللي نحنا راح نستعرضها اليوم هي أغنية أنا بعشقك لمطربة الجيل مياده الحناوي (يعزف الأستاذ ريبال التمرين).
حجرب أغنيها على طبقتي، حجرب أغنيها من طبقة بيات الصول بالنسبه لهاي الأغنيه (يقرأ الأستاذ ريبال التمرين قراءة ايقاعية)، لو جربنا انناقش الأغنيه مقاميّاً كيف عم بتنتقل، راح نلاحظ إن أنا بالبدايه ابتديت بمقام الحجاز... بمقام البيات (يعزف الأستاذ ريبال التمرين)، بس طبعاً أنا ما ابتديت باستقرار البيات الأساسي، يعني لو أنا عم بشتغل بيات راي ما راح تكون راي راح تكون ابتديت بنوتة الفا، يعني بالنوته السادسه بالمقام (يعزف الأستاذ ريبال التمرين)، أنا لحديت الآن عم بشتغل على مقام البيات الطبيعي (يقرأ الأستاذ ريبال التمرين قراءة ايقاعية).
هلأ وين بنقل لمقام تاني؟ راح إنقل بمقام تاني عند نفس هادي (يعزف الأستاذ ريبال التمرين)، أنا لحديت الآن قبل شوي كنت بهاي المنطقه عم بشتغل على حجاز الصول إذا بدي إعتبر أول نوته (يقرأ الأستاذ ريبال التمرين قراءة ايقاعية)، عم برسى عالصول، بعدين (يقرأ الأستاذ ريبال التمرين قراءة ايقاعية)، عم بحكي على نوا فار الفا، بعدين دايركت مباشرةً بيرجع اللحن لبيات الصول (يعزف الأستاذ ريبال التمرين).
بعدين إحنا لو حبينا إن نحكي شوي انناقش عن المقاطع التانيه، راح ننتبه إن المقاطع التانيه مثلاً متل المقطع ياللي بعده (يقرأ الأستاذ ريبال التمرين قراءة ايقاعية)، أنا عم بحكي على مقام الصبا ياللي راح انناقشه بالدرس القادم، ياللي كمان هو من المقامات اللي بتشبه مقام البيات، بعدين راح انلاحظ من المقطع اللي بعده (يقرأ الأستاذ ريبال التمرين قراءة ايقاعية).
البدايه عم بتكون بالكرد بعدين عم بيروح عالحجاز، يعني هادا المقطع متنوع بين الكرد و الحجاز."
